Árni M. Mathiesen (andsvar):
Herra forseti. Ég skil það svo að það sé vilji hæstv. iðnrh. að þetta frv. eða þetta samkomulag, sem þar liggur á bak við, hindri ekki aukið frjálsræði í orkugeiranum. En ég vil ítreka og legg áherslu á að það verði ekki beðið með það, í framhaldi af þessu, að gefa hinum minni orkufyrirtækjum eins og Hitaveitu Suðurnesja, Orkubúi Vestfjarða og Rarik meira svigrúm á þessum markaði en þau hafa haft að undanförnu.