[prenta uppsett í dálka] 32. fundur
Ólafur Örn Haraldsson:
Virðulegi forseti. Í dagblaði 29. október sl. kom fram að samningum hefur verið sagt upp við tollverði í Reykjavík og að þar með muni væntanlega verða hætt kvöld- og næturvöktum í höfnum í Reykjavík. Ég beini spurningu minni til hæstv. fjmrh. Nú þegar aðeins mánuður er þangað til að þessi gjörningur tekur gildi liggur ekki enn ljóst fyrir hver hin endanlega niðurstaða verður um kvöld- og næturvaktir í Reykjavíkurhöfnum. Á sama tíma berast okkur æ alvarlegri tíðindi um smygl á fíkniefnum og nýjar smyglleiðir inn til landsins.
