[prenta uppsett í dálka] 32. fundur
Flm. (Jóhanna Sigurðardóttir) (andsvar):
Herra forseti. Mér fannst svarið örlítið skýrara núna. Nefnd sem er að skoða og skilgreina biðlistana. Það er gott og vel. Ég minni á það að ég hef lagt fram beiðni um skýrslu einmitt til þess að menn geti frekar áttað sig á þeirri stöðu. Í framhaldi af því, segir ráðherrann, verður tekin ákvörðun um hvernig er hægt að taka á þessum biðlistum. Ég vil þá orða þetta svona: Nú hefur ráðherrann væntanlega kynnt sér það hvernig það er á hinum Norðurlöndunum og því spyr ég hvort ráðherrann telji að það komi til greina í framhaldi af þessari skilgreiningu að mótaðar verði reglur og settar um hámarksbiðtíma eftir þjónustu í heilbrigðiskerfinu.
