[prenta uppsett í dálka] 34. fundur
Hjálmar Jónsson:
Herra forseti. Ég vil þakka hv. þm. Svavari Gestssyni fyrirspurnina og þá umræðu sem hér hefur farið af stað um fornminjar á Reykholtsstað og reyndar víðar um landið. Þær fornminjar hljóta að vera dýrmætar þjóðinni og þarf að gæta þess að þær verði ekki fyrir hnjaski þangað til kemur að rannsókn þeirra í þeirri röð sem sett hefur verið upp. Það er þröngt um fé á þessum liðum í útgjöldum ríkisins. Ég vil ekki segja að það sé metnaðarleysi heldur peningaleysi sem veldur að ekki er búið að gera miklu meira í þessum málum eins og hv. þm. Sturla Böðvarsson gat um.
Ég tek undir það álit sem fram kom í máli hæstv. menntmrh. að mikilvægt er að taka þau verkefni sem hægt er að ljúka í einum áfanga en ekki fara út í flókin verkefni með litla peninga milli handa.
