[prenta uppsett í dálka] 35. fundur
Frsm. efh.- og viðskn. (Vilhjálmur Egilsson):
Hæstv. forseti. Ég mæli fyrir nál. frá efh.- og viðskn. um frv. til laga um breyting á lögum nr. 50/1984, um lífeyrissjóð bænda, með síðari breytingum. Þetta frv. er ekki mikið að vöxtum en nefndin hefur engu að síður fjallað um það og fengið á sinn fund aðila úr fjmrn. Þá fékk nefndin einnig sendar umsagnir um málið frá Bændasamtökunum og frá Landssambandi lífeyrissjóða.
Hæstv. forseti. Nefndin leggur til að frv. verði samþykkt óbreytt.
