Ágúst Einarsson:
Herra forseti. Við erum andvíg þessari tillögu. Hún snýr að þeirri framkvæmd að lækka endurgreiðslu virðisaukaskatts til húsbyggjenda frá því í vor. Framkvæmd málsins var klúðrað af hálfu ríkisstjórnarinnar. Það er leiðrétt hér að hluta til. Þetta þýðir skattlagningu á einstaklinga. Þetta þýðir aukna möguleika til skattsvika. Þessu ákvæði hafa allir aðilar vinnumarkaðarins lagst gegn, ekki einungis verkalýðshreyfingin heldur öll samtök vinnuveitenda, vegna hættunnar sem fólgin eru í því ákvæði sem verið er að greiða atkvæði um. Ég segi nei.