[prenta uppsett í dálka] 38. fundur
Frsm. meiri hluta efh.- og viðskn. (Vilhjálmur Egilsson):
Hæstv. forseti. Ég mæli fyrir frhnál. á þskj. 291 og brtt. á þskj. 292 vegna frv. til laga um breytingu á lögum nr. 94/1996, um staðgreiðslu skatts á fjármagnstekjur. Þessar brtt. og nál. eru frá meiri hluta efh.- og viðskn.
Nefndin fór aftur yfir frv. að lokinni 2. umr. og leggur til breytingar í þremur liðum á frv. Í fyrsta lagi er lagt til að gerð verði smávægileg orðalagsbreyting á lokamálslið 3. gr. til að gera ákvæðið skýrara. Í öðru lagi er lagt til að bráðabirgðaákvæðið verði tengt við lokamálsgrein 2. gr. (verður 5. gr. laganna) um tölvuskráningu. Loks er lagt til að við bætist gildistökuákvæði sem vantaði í frv.
