[prenta uppsett í dálka] 40. fundur
Steingrímur J. Sigfússon:
Herra forseti. Þetta frv. er hluti af ranglátri skattapólitík hæstv. ríkisstjórnar. Þær breytingar sem mest munar um í skattamálum á undanförnum árum hafa nær allar gengið í þá átt að færa skattbyrði af fyrirtækjum og gróðaaðilum yfir á almenning og launafólk. Hér er haldið áfram á sömu braut því flestar þær ívilnandi aðgerðir sem á annað borð eru á ferðinni í þessu frv. ganga í þá átt að létta álögum af fyrirtækjum og færa þær yfir á almenning.
Það sem sérstaklega stingur í augun við afgreiðslu þessa frv. eru þau algjöru svik sem í því felast gagnvart loforðum hæstv. ríkisstjórnar og stjórnarflokka, einkum Framsfl., að taka á svonefndum jaðarsköttum. Í þessu frv. er verið að staðfesta að það á að leggja á tekjuskatt á næsta ári á Íslandi án þess að nokkuð sé hróflað við því mikla óréttlæti sem þar er að finna hvað þetta snertir. Því mótmæli ég sérstaklega og greiði atkvæði gegn þessu frv.
