[prenta uppsett í dálka] 43. fundur
Lúðvík Bergvinsson:
Virðulegi forseti. Með þessu ákvæði á að færa í lög að Íslendingum verði gert erfiðara að veiða á úthafinu en kveðið er á um í úthafsveiðisáttmálanum. Það á að ganga lengra í íslenskri lagasetningu en úthafsveiðisáttmálinn kveður á um. Enn fremur á að fara þá merkilegu leið að heimila sjútvrh. með útgáfu reglugerðar að færa í lög ákvæði þjóðréttarsamninga. Þetta er ekki líðandi og því segi ég nei.
