[prenta uppsett í dálka] 50. fundur
Frsm. minni hluta efh.- og viðskn. (Ágúst Einarsson) (andsvar):
Herra forseti. Varðandi síðasta lið breytingartillagnanna um refaveiðar og fyrirkomulag þeirra get ég tekið undir með formanni efh.- og viðskn. að þar er fært til betri vegar en ég vil geta þess að það er grafalvarlegt mál hvernig staðið verður að refaveiðum og þátttöku ríkisins á því sviði og urðu um það mjög heitar umræður í efh.- og viðskn., enda fjölmargir sérfræðingar á því sviði í nefndinni.
Ég vona að þó að við tökum kannski ekki stóra umræðu um fyrirkomulagið núna, við gerðum það vel í nefndinni, þá eigi þetta mál e.t.v. eftir að koma aftur til umræðu í tengslum við fjárlagagerðina, þ.e. þær tölur sem er ráðstafað til þessa merka málaflokks. En ég legg áherslu á það, herra forseti, að refaveiðar og þátttaka ríkisins í þeim málaflokki er ekki útrætt mál.
