[prenta uppsett í dálka] 53. fundur
Sigríður Jóhannesdóttir:
Herra forseti. Margir, m.a. nokkrir þeir sem komu á fund félmn., hafa lýst áhyggjum yfir að við flutning málefna fatlaðra yfir til sveitarfélaganna kunni þjónustan að verða misjöfn að gæðum og hætta á að mál ákveðinna einstaklinga lendi milli stafs og hurðar. Í trausti þess að það ákvæði sem bætist við til bráðabirgða um réttindagæslu fatlaðra tryggi jafnstöðu ætla ég að greiða þessu ákvæði til bráðabirgða atkvæði.
