Fjármálaráðherra (Friðrik Sophusson):
Virðulegi forseti. Í fjárlagafrv. er gert ráð fyrir því að bætur hækki um 2% eða sem nemur verðlagshækkunum. Á þessari stundu er ekki hægt að sjá fyrir um launabreytingar á næsta ári. Því hefur margoft verið lýst yfir í umræðum hér á hinu háa Alþingi að þessar bætur verða til endurskoðunar þegar kjarasamningar hafa verið gerðir. Þar af leiðandi er ekki hægt að segja á þessari stundu hverjar þær breytingar verða. Ég segi nei.