Jón Kristjánsson:
Herra forseti. Sú tillaga sem hér um ræðir er um kostnaðarhlutdeild ríkissjóðs við eyðingu refa. Það skal tekið fram og það hefur komið fram í vinnu fjárln. að umhvrh. mun gangast fyrir viðræðum við Samtök sveitarfélaga um málið. Liðurinn hefur verið hækkaður um 7 millj. (Gripið fram í: Úr engu.) og fjárveitinguna þarf að endurmeta þegar niðurstaða þeirra viðræðna liggur fyrir. Ég tel að þetta mál sé í viðunandi farvegi og segi því nei við þessari tillögu.