Guðni Ágústsson:
Hæstv. forseti. Þessi tillaga snýr ekki að íbúum í litlum sveitarfélögum. Sá maður sem hefur vakað um vornótt og séð ref koma að greni sínu með 12--14 mófuglsunga í kjaftinum eða gengið fram á helsært lítið lamb af völdum rebba veit að skolli er vargur í véum. Stofninum ber að halda í skefjum með öllum tiltækum ráðum. Þess vegna er tillaga hv. fjárln. gagnvart mófuglinum og lambinu og náttúruríkinu á Íslandi skorin við nögl. Ég segi því já við þessari hækkunartillögu flutningsmanna.