Forseti (Ólafur G. Einarsson):
Á síðasta fundi Alþingis fyrir jól, 20. desember, tilkynnti ég að mér hefði þá borist bréf frá hv. þm. Jóni Baldvini Hannibalssyni. Bréfið hljóðar svo:
,,Þar sem ég hef verið skipaður sendiherra Íslands í Bandaríkjunum frá næstu áramótum afsala ég mér þingmennsku frá sama tíma.``
Samkvæmt þessu bréfi tekur 1. vþm. Alþfl. í Reykjavíkurkjördæmi, Ásta B. Þorsteinsdóttir, nú fast sæti á Alþingi og býð ég hana velkomna til starfa. Hún verður 15. þm. Reykv. en Össur Skarphéðinsson verður 9. þm. Reykv.