Ásta R. Jóhannesdóttir:
Herra forseti. Fróðlegt væri að fá skoðun hæstv. forsrh. á því hvort sjúklingar séu sérstaklega aflögufærir í dag. Þessi ríkisstjórn hefur hælt sér af lækkun skatta á almenning. Telur hæstv. forsrh. tillögur eins og þær sem eru nú til afgreiðslu eðlilegar? Þó þær séu á undirbúningsstigi eru þær langt komnar í umræðunni í nefndinni og virðast nánast komnar á afgreiðslustig. Er hann sammála því að þetta sé fólkið sem er aflögufært í samfélaginu?