Ísólfur Gylfi Pálmason:
Herra forseti. Ég þakka hæstv. menntmrh. fyrir svörin. Ég vildi þó fá það skýrar fram hvort á þessu sé möguleiki, meðan við höfum ekki svæðisútvarp og höfum ekki fréttamenn á þessum slóðum. Nú er á Suðurlandi rekið myndarlegt útvarp sem næst um nær allt Suðurland. Er möguleiki, á meðan Ríkisútvarpið gerir ekkert í sínum málum á þessu svæði, að kaupa efni af stöð sem þessari?