Arnbjörg Sveinsdóttir (andsvar):
Hæstv. forseti. Það er alveg ljóst hvað stendur í þessu plaggi. Þar er gert ráð fyrir 120 millj. kr. á þessu tímabili til rannsókna á jarðgöngum. Ekki hefur verið tekin ákvörðun um að byrja á neinum jarðgöngum, hvorki á Austurlandi né annars staðar. Ég held að það sé alveg ljóst að samkvæmt allri þeirri forvinnu sem unnin hefur verið og áliti manna sem hefur birst víða í gegnum tíðina hljóti það að vera forgangsverkefni í jarðgangagerð að næstu jarðgöng komi á Austurlandi.