Einar Oddur Kristjánsson:
Herra forseti. Fyrir rúmum tveimur árum tók ég þátt í undirbúningi nýrra laga um atvinnuleysistryggingar ásamt fleirum. Þegar ég hlusta á málflutning hv. þm. Guðrúnar Helgadóttur heyrist mér það sem hún er að benda á alveg rétt. Ég ætla að okkur hafi orðið á mistök vegna þess að við höfum ekki skoðað þetta í réttu ljósi.
Ég vona því, herra forseti, að hv. félmn. taki þetta mál til mjög vinsamlegrar athugunar og reyni að leiðrétta lögin hvað þetta varðar.