Flm. (Ásta R. Jóhannesdóttir) (andsvar):
Herra forseti. Mér var ekki kunnugt um þessa nefndarskipan hæstv. dómsmrh. en fagna því ef sú miklivæga vinna sem lögð er til í þessari þáltill. er farin af stað. Ég efast ekki um að þegar þetta mál kemur til umfjöllunar í allshn. þá komist menn að þeirri niðurstöðu að þessi samantekt og grg. till. gæti komið að gagni í þeirri nefnd sem þegar hefur hafið þessa vinnu. Þá væri eðlilegt að þessari till. yrði vísað til ríkisstjórnarinnar ef hún er örugglega á verksviði nefndarinnar. Ég vissi ekki að þessi vinna væri farin í gang í ráðuneytinu.