[prenta uppsett í dálka] 67. fundur
Guðný Guðbjörnsdóttir (andsvar):
Virðulegi forseti. Ég þakka fyrir frv. sem ég tel allrar athygli vert um leið og ég læt í ljós ánægju mína með þá ábendingu hæstv. menntmrh. að menntmn. taki til umfjöllunar samhliða frv. nýlegar skýrslur um konur og íþróttir. Um leið vil ég láta í ljós vonbrigði yfir því að þetta nýframkomna frv. sé nær óbreytt frá því það var lagt fram í fyrra og spyrja hæstv. ráðherra hvort hann telji ekki að nefndar skýrslur kalli á lagabreytingar og þá um leið um breytingar á frv. Ef ekki, til hvers á nefndin þá að að fjalla um skýrslurnar samhliða þessu máli?
