Sigríður Jóhannesdóttir:
Hæstv. forseti. Hæstv. heilbrrh. fullyrðir að úrræðum hafi fjölgað. Ég hef vissar efasemdir um það. Heimilinu að Tindum var lokað og nú blasir við að þeim sem leita lækninga á Vogi og eru undir 20 ára aldri hefur fjölgað um helming á örfáum árum. Ég tel að það standi í sambandi við það að úrræðum hafi einmitt verið fækkað fyrir fólk á þessum aldri.
Ég tel auðvitað mjög gott að göngudeildarþjónustu hafi verið komið á fót og þess þurfti. En það blasir samt við að fjölga verður afeitrunarplássum fyrir langt leidda vímuefnaneytendur þar sem 300 manns bíða á biðlista, margir í mjög slæmu ásigkomulagi. Vill þjóðin taka ábyrgð á slíku?