Forseti (Ólafur G. Einarsson):
Forseti hefur heyrt tillögu hæstv. ráðherra um að forsn. feli óháðum lögfræðingum að segja álit sitt á þeim ágreiningi sem er uppi milli ráðherra og Ríkisendurskoðunar um tiltekin atriði í álitsgerð stofnunarinnar og hvort niðurstöður hennar byggist á réttum lagareglum eða lagalegum forsendum. Forseti vill bregðast strax við tillögunni með því að segja að hann mun taka málið fyrir í forsn. við fyrstu hentugleika.