Dómsmálaráðherra (Þorsteinn Pálsson) (andsvar):
Herra forseti. Ég ætla að ítreka leiðréttingu á þeim misskilningi sem fram hefur komið hjá hv. þm. sem ekki hefur gert greinarmun á dómi og reynslulausn. Hér liggur fyrir yfirlýsing frá prófessornum í refsirétti um að það hafi að öllu leyti verið farið að lögum við reynslulausnina. Í skýrslu hefur ríkissaksóknari komist að þeirri niðurstöðu að enginn lögreglumaður hafi gerst brotlegur við hegningarlög eða brotið af sér í opinberu starfi. Þetta eru þær staðreyndir sem hv. þm. hefur fyrir sér.
Hv. þm. getur reynt að koma einhverju öðru að sem ekki byggir á staðreyndum. Það byggir á útúrsnúningum.