Dómsmálaráðherra (Þorsteinn Pálsson) (andsvar):
Herra forseti. Ræða hv. 11. þm. Reykn. hér áðan í andsvari var mjög í samræmi við málflutning hv. þingmanna jafnaðarmanna á undanförnum missirum. Ég tók það hins vegar fram að ræður þeirra hefðu í dag verið á annan veg og þeir kepptust allir, fyrir utan 11. þm. Reykn., við að halda því fram að í málflutningi þeirra fælist ekki nokkur aðdróttun um misferli í starfi af minni hálfu.