[prenta uppsett í dálka] 70. fundur, 122. lþ.
Arnbjörg Sveinsdóttir:
Hæstv. forseti. Ég þakka fyrirspyrjanda fyrir þessa fyrirspurn og ráðherra fyrir svörin. Ég tel að við breytingar á húsnæðislánakerfinu beri að hafa í huga að það raski ekki hag núverandi lántakenda og allir flutningar og breytingar á kerfinu verði að miðast við það. Einnig þurfa breytingarnar að færa kerfið í betra horf. Það þarf að bæta hag væntanlegra lántakenda. Aðgengi lántakenda að kerfinu þarf að aukast og þjónustan við þá að batna. Þegar ég tala um aðgengi lántakenda að kerfinu á ég við að ef það verður flutt til bankanna, þá batnar auðvitað aðgengi lántakenda úti á landsbyggðinni.
Þegar um svo sérhæfða og tiltölulega örugga lánastarfsemi eins og er í húsnæðiskerfinu, á að vera hægt að reka þetta á ódýrar en almenna bankakerfið. Þetta er hagkvæm lánastarfsemi.
