Hjörleifur Guttormsson:
Virðulegur forseti. Samkvæmt tillögu meiri hlutans er gert ráð fyrir að engin stjórn verði yfir Hollustuvernd ríkisins, aðeins forstjóri, nánast alvaldur undir ráðherra eins og felst í 20. gr. frv. Sama ráðuneyti og raunar sami ráðherra hefur nýlega sett tvær stjórnir yfir ríkisstofnanir svo ekki er mikið samræmi í hlutunum. Það væri sannarlega tímabært að endurskoða í heild stefnuna varðandi stjórnir ríkisstofnana og hvort réttmætt sé að haga því með þeim hætti sem hér er. Forstjóri fær í raun allt vald yfir stofnuninni og má segja að hún sé orðin deild í ráðuneytinu samkvæmt þessari uppsetningu sem frv. felur í sér.