Viðskiptaráðherra (Finnur Ingólfsson):
Herra forseti. Enn þarf ég að minna hv. þm. Sighvat Björgvinsson á að lesa betur. Ef hv. þm. læsi Alþingistíðindin og þá ræðu sem hann er að vitna í þá kemur það alveg skýrt fram hver mín túlkun var á þessu atriði á þeim tíma. Alþingi mun hafa allar þessar upplýsingar sem beðið er um auk þess sem hv. þm. Ásta Ragnheiður Jóhannesdóttir bar fram fyrirspurn um þetta atriði í desember og fékk svar í sama mánuði. Hún sætti sig fullkomlega við það svar sem hv. þm. er núna að gagnrýna að verið sé að halda leynd yfir.