[prenta uppsett í dálka] 84. fundur, 122. lþ.
Guðmundur Hallvarðsson:
Herra forseti. Ég hef lýst efasemdum mínum áður um stofnun þessa banka og spyr: Af hverju var þessi banki stofnaður? Ef hann hefði sameinast eða verið undir forsjá ríkisbankanna hefði þessi umræða t.d. ekki farið fram því að þeir koma svo víða við í hinni dreifðu byggð. Einn ágætur hv. þm., Tómas Ingi Olrich, talaði um að hér væri einhver örlagatrú. En ég held og hjó sérstaklega eftir því að í máli hæstv. viðskrh. koma fram meginrök sem liggja til grundvallar þess að svo mörg fyrirtæki í ríkisrekstri eru í Reykjavík sem raun ber vitni.
