[prenta uppsett í dálka] 84. fundur, 122. lþ.
Menntamálaráðherra (Björn Bjarnason):
Herra forseti. Ég get tekið undir með hv. þm. um nauðsyn þess að sporna við fölsunum á málverkum og raunar öllum öðrum munum og það ber að leita allra leiða til að koma í veg fyrir slíkt. En eins og ég sagði í svari mínu þá hefur aðeins ein teikning sem talin er eftir Jóhannes Kjarval verið kærð af Ólafi Jónssyni forverði vegna gruns um fölsun. Listasafn Íslands á tæplega 8 þús. verk þannig að safnið telur ekki ástæðu til að ætla að önnur verk sem safnið hefur keypt séu fölsuð. Þetta er nauðsynlegt að árétta í tilefni af ummælum hv. þm.
