[prenta uppsett í dálka] 94. fundur, 122. lþ.
Sjávarútvegsráðherra (Þorsteinn Pálsson) (andsvar):
Herra forseti. Athugasemdir hv. þm. eru algerlega út í hött. Hér eru alveg sérstakar aðstæður eins og gerð hefur verið mjög skýr grein fyrir og langsamlega veigamesti þátturinn í því lýtur að þeirri staðreynd að kjaradeilan hefur fyrst og fremst lotið að kröfum um breytt lagaumhverfi. Frv. þar að lútandi liggja núna fyrir sem sjómenn hafa fallist á en útvegsmenn andmælt að verulegum hluta. Þetta er sú staðreynd sem liggur fyrir og allt annað eru útúrsnúningar og í sjálfu sér ekki sæmandi hv. þm. að hafa slíka rökleysu í frammi.
