[prenta uppsett í dálka] 94. fundur, 122. lþ.
Félagsmálaráðherra (Páll Pétursson) (andsvar):
Herra forseti. Ég get ekkert gert að því þó að hv. þm. sé óánægður með útkomuna úr kjarasamningunum. Ég dreg ekkert í land. Kjarasamningarnir tókust farsællega á grundvelli vinnulöggjafarinnar. Það var unnið eftir hinni nýju vinnulögjöf og kjarasamningarnir tókust farsællega. Mér hefur aldrei dottið í hug að telja að það sé allt saman vinnulöggjöfinni að þakka. Það er ýmsu öðru að þakka en menn unnu eftir þeim leikreglum sem þar voru lagðar og náðu landi í öllum tilfellum nema einu. (Gripið fram í: Þrátt fyrir þessar leikreglur.)
