Frsm. efh.- og viðskn. (Vilhjálmur Egilsson):
Hæstv. forseti. Ég kynni brtt. frá efh.- og viðskn. við þetta frv. til laga um starfsemi kauphalla og skipulegra tilboðsmarkaða sem er til umræðu. Efh.- og viðskn. fjallaði aðeins um málið milli 2. og 3. umr. og er sammála um að gera brtt. sem liggja frammi á þskj. 1150 í þremur liðum. Þetta eru annars vegar hreinar orðalagsbreytingar sem hafa komið fram við prófarkalestur að eru nauðsynlegar og hins vegar er ákvæði sem á að tryggja að það sem rætt er um í 19. gr. frv. verði ekki afturvirkt. Að öðru leyti gerir nefndin að tillögu sinni að frv. verði samþykkt.