[prenta uppsett í dálka] 103. fundur, 122. lþ.
Forseti (Ólafur G. Einarsson):
Um fundahaldið í dag og næstu daga tekur forseti þetta fram: Um klukkan fjögur í dag verður utandagskrárumræða um ráðstöfun sýslumannsembættisins á Hólmavík. Málshefjandi er hv. þm. Sighvatur Björgvinsson og hæstv. dómsmrh. verður til andsvara. Umræðan fer fram skv. 1. mgr. 50. gr. þingskapa, þ.e. hálftíma umræða.
Á morgun klukkan ellefu verður umræða um skýrslu viðskrh. um málefni Landsbanka Íslands hf. Samkomulag er milli þingflokka um fyrirkomulag umræðunnar svo og við hæstv. viðskrh. Að öðru leyti verða þingmannamál á dagskrá á morgun og fyrir hádegi á fimmtudag. Síðari hluta fimmtudags verða mál úr nefndum og stjórnarfrumvörp. Á föstudag og laugardag verða nefndarfundir eins og áður hefur verið tilkynnt.
