Forseti (Ólafur G. Einarsson):
Í tilefni þessarar tilkynningar hæstv. forsrh. vill forseti færa fráfarandi fjmrh., Friðriki Sophussyni, þakkir fyrir samstarf á umliðnum árum og jafnframt færa nýjum fjmrh., Geir H. Haarde, árnaðaróskir í nýju og umfangsmiklu starfi. Samstarf forseta og formanna þingflokka er mikið og hefur vaxið á undanförnum árum. Í þeim hópi hefur Geir H. Haarde gegnt mikilvægu hlutverki. Samvinna við hann hefur verið sérstaklega ánægjuleg. Hans er því saknað úr þeim hópi og honum þökkuð störf á þeim vettvangi.