Frsm. menntmn. (Sigríður A. Þórðardóttir) (andsvar):
Herra forseti. Það er einhver misskilningur í þessu máli. Það sem ég var að lýsa í framsögu minni var að á vinnslustigi frv. var haft samband við umhvrn. og fulltrúa Landmælinga Íslands um þennan þátt frv. sem snýr að úrskurðarvaldi um hvaða örnefni verða sett á opinber landabréf. Það var fyrst og fremst það sem ég átti við þegar það var nefnt, (ÖS: Það er orðað öðruvísi.) það er því einhver misskilningur að við höfum kallað á okkar fund í menntmn. fulltrúa frá umhvrn. og fulltrúa Landmælinganna sérstaklega út af þessu.