[prenta uppsett í dálka] 114. fundur, 122. lþ.
Hjörleifur Guttormsson (andsvar):
Virðulegur forseti. Ég gleðst yfir öllu sem horfir til góðrar áttar hjá hv. þm. Alþfl. sem og Alþfl. og ég hef leyft mér þann munað að fylgjast með málum Alþfl. í umhverfismálum um mjög langa hríð. Hv. þm. vildi ætla mér eitthvað verri tilfinningar til Alþfl. en ýmissa annarra í ræðu sinni í gær. Það er mikill misskilningur. Ég met Alþfl. Ég reyni að gera það að verðleikum en auðvitað út frá viðhorfum mínum og ég hef alltaf litið á hann sem flokk sem stæði í fæturna.
Mér líst hins vegar ekkert á það ef Alþfl. ætlar að fara út á einhverjar slóðir þar sem enginn getur lesið í hvert verið er að fara. Það er leiðsögn sem ég treysti mér ekki til að hlíta.
