Svavar Gestsson (um fundarstjórn):
Herra forseti. Þetta trikk sem forseti reyndi núna áðan, að ræða við stjórnarandstöðuna meðan næsti ræðumaður talar, hefur verið notað þrisvar í nótt. Það verður ekki keypt einu sinni enn. Ég óska eftir því að fundinum verði þegar í stað frestað og rætt við forustumenn þingflokkanna um hvenær fundinum lýkur. Þetta er engin framkoma, herra forseti. Og ég fer fram á það í fullri vinsemd að forsetinn stígi niður af tróni sínum og tali við það fólk sem er í salnum smástund.