Forseti (Ólafur G. Einarsson):
Forseta hefur borist svohljóðandi skrifleg dagskrártillaga:
,,Við undirritaðir alþingismenn leggjum til, með skírskotun til síðari málsl. 1. mgr. 63. gr. þingskapa, að á dagskrá næsta fundar verði tekið til 1. umr. 703. mál, stjfrv. um breytingu á skipulags- og byggingarlögum, nr. 73/1997, sbr. lög nr. 135/1997, á þskj. 1289.
Svavar Gestsson, Bryndís Hlöðversdóttir, Hjörleifur Guttormsson, Kristinn H. Gunnarsson, Margrét Frímannsdóttir, Ragnar Arnalds, Sigríður Jóhannesdóttir, Steingrímur J. Sigfússon og Ögmundur Jónasson.``
1. mgr. 63. gr. þingskapa hljóðar svo:
,,Forseti ákveður dagskrá hvers fundar. Þó má ákveða dagskrá næsta fundar eftir ályktun þingsins.``
Í samræmi við þessi ákvæði þingskapa ber forseti nú dagskrártillöguna undir atkvæði án umræðna. Óskað hefur verið eftir nafnakalli og fer það nú fram.