[prenta uppsett í dálka] 115. fundur, 122. lþ.
Ragnar Arnalds:
Virðulegi forseti. Ég tel að efni þessa frv. sé afgerandi þáttur í þeirri málamiðlun sem reynt var að skapa í nefnd um afgreiðslu sveitarstjórnarlaga. Ég tel að það lofi sannarlega ekki góðu að ekki skuli fallist á að taka þetta mál til umræðu og vísa því síðan í nefnd þannig að hægt sé að leita umsagnar um það og undrast ég mjög þessi vinnubrögð, enda hef ég aldrei orðið vitni að því áður að flutningsmenn frv. í þinginu neiti að taka málið á dagskrá og felli það í formlegri afgreiðslu. Ég er alveg viss um að það er algert einsdæmi í þingsögunni að menn neiti að taka til umræðu mál sem þeir sjálfir flytja. En eitthvað býr þar á bak við og hugsanlega miður skemmtilegt og það harma ég. En sjálfur segi ég að sjálfsögðu já.
