[prenta uppsett í dálka] 115. fundur, 122. lþ.
Siv Friðleifsdóttir (andsvar):
Virðulegur forseti. Á þessum stutta tíma síðan samkomulagið kom fram hefur ekki tekist að ná þeim hópi saman. Þessi útreikningur sem hér var borinn á borð fyrir okkur er gjörsamlega fáránlegur. Við erum að tala um 18 manna nefnd og þar er tryggt að einn kemur frá Reykjanesi og hann er fullgildur meðlimur í þessari nefnd, þ.e. einn af 18, það eru áhrifin sem hann hefur þarna inni. Ég vil líka spyrja hv. þm. Sighvat Björgvinsson: Hver stóð fyrir þeirri nefnd sem nú er að vinna skipulagið á miðhálendinu? Þar eru 12 menn. Hvernig er hún skipuð? Enginn frá Reykjavík og Reykjanesi og Alþfl. átti frumkvæði að því að skipa þá nefnd. Hvar eru fulltrúar höfuðborgarsvæðisins þar?
