Guðni Ágústsson (andsvar):
Hæstv. forseti. Auðvitað hlýtur það að vera eðlilegt að þeir sem eru kjörnir til sveitarstjórna hafi heilmikil völd og geti neitað ýmsu og ekki síst yfirnefnd. En ég vil vekja athygli á því að í skipulagsmálum og hvað lýtur þeim þá búum við við Skipulagsstofnun. Þessi mál eru í mjög vönduðum farvegi hjá þorra sveitarfélaga á Íslandi. Ég treysti því landsbyggðarmönnum ekki síður en Reykvíkingum til að fara með sín málefni.