[prenta uppsett í dálka] 121. fundur, 122. lþ.
Guðný Guðbjörnsdóttir:
Herra forseti. Við kvennalistakonur lítum svo á að þessi frávísunartillaga sé stuðningur við þau sjónarmið almennings að hér sé um mjög vafasamt mál að ræða sem verði að fresta til að gefa almenningi kost á að kynna sér það betur. Þar á ég fyrst og fremst við 1. gr. frv. og ákvæði til bráðabirgða.
Einnig er óeðlilegt að frv. til laga um breytingu á skipulags- og byggingarlögum sem skiptir máli í því samhengi sem þessi mál eru nú að komast í, skuli ekki afgreitt samhliða þessu frv.
Ég er þeirrar skoðunar að ekkert liggi á að afgreiða þetta frv. og ég segi já við því að vísa því frá.
