[prenta uppsett í dálka] 121. fundur, 122. lþ.
Ögmundur Jónasson:
Hæstv. forseti. Það er ekkert sem knýr á um samþykkt þessa máls annað en þrjóska, þvergirðingsháttur, yfirgangur og hroki þessarar ríkisstjórnar. Ég kem upp til þess að mótmæla vinnubrögðum hennar í þessu máli og vekja athygli á því að það er mikil undiralda í þjóðfélaginu og eindregin krafa um að málið fái umræðu í sumar utan þings og innan. Þetta er almannaviljinn. Þetta er heilbrigð skynsemi. Þetta er sanngirni. En ekkert hrín á þessari ríkisstjórn, ekki sanngirnin, ekki heilbrigð skynsemi og ekki almannaviljinn. En sem betur fer, og það ætti að verða hæstv. forsrh. umhugsunarefni, er sú tíð í nánd að almannaviljinn fær tækifæri til þess að stokka upp í Stjórnarráðinu og í þessum sal.
