[prenta uppsett í dálka] 121. fundur, 122. lþ.
Hjálmar Jónsson:
Herra forseti. Ég tek undir með hv. þm. Rannveigu Guðmundsdóttur að fáheyrð vinnubrögð og yfirgangur hefur einkennt afgreiðslu þessa máls í þinginu þar sem minni hlutinn hefur reynt að kúga meiri hlutann.
Ég harma þá lítilsvirðingu sem ýmsir hv. þm. hafa sýnt íbúum sveitarfélaga á landsbyggðinni. Hv. Alþingi tók einróma ákvörðun um það fyrr á kjörtímabilinu að afhenda sveitarfélögum í landinu ábyrgðina á grunnskólum. Nú er minni hlutinn að vantreysta sveitarfélögum til að bera ábyrgð ásamt ríkinu á óbyggðum svæðum landsins.
Ég segi nei við frávísunartillögunni.
