Jóhanna Sigurðardóttir:
Herra forseti. Hér er verið að skipta miðhálendinu upp í ræmur á milli örfárra sveitarfélaga sem liggja að miðhálendinu og fela þeim ákvörðunarvald um nýtingu hálendisins. Miðhálendið á að vera sameign þjóðarinnar og þjóðin öll á að hafa um það að segja hvernig það er hagnýtt og skipulagt. Hér á að samþykkja tillögu sem ég er viss um að gengur gegn meirihlutavilja þjóðarinnar. Ég segi nei.