[prenta uppsett í dálka] 125. fundur, 122. lþ.
Ásta R. Jóhannesdóttir:
Herra forseti. Ég vil þakka hæstv. viðskrh. fyrir svör hans við þessari spurningu sem ég beindi til hæstv. forseta áðan. Aftur á móti vísa ég á bug þeirri fullyrðingu hæstv. viðskrh. að ég hafi verið að gefa mér eitthvað um þau svör sem væntanleg eru. Það hef ég alls ekki gert.
(Forseti (StB): Forseti vill vekja athygli hv. þm. á því að hér fara ekki fram efnislegar umræður heldur eru hér ...)
Ég er að bera af mér sakir, herra forseti.
(Forseti (StB): Forseti gaf hv. þm. orðið um fundarstjórn forseta.)
Herra forseti. Hæstv. viðskrh. bar það á mig að ég hefði verið að gefa mér það hvað fælist í þeim svörum sem væntanleg væru um málefni Lindar og Landsbankans. Það er ekki rétt.
Aftur á móti hafa vaknað ýmsar fleiri spurningar í kjölfar yfirlýsinga frá fyrrverandi bankastjóra Landsbanka Íslands og það var í það sem ég vísaði í máli mínu þegar ég kallaði eftir upplýsingum um svör við þeim spurningum sem ég hef þegar borið fram á þinginu.
