[prenta uppsett í dálka] 125. fundur, 122. lþ.
Sighvatur Björgvinsson (andsvar):
Herra forseti. Það hefur sem sé ekki verið haldinn neinn sáttafundur með þjóðinni. Það sem meira er, hv. þm. segir að sér virðist að meiri hluti þjóðarinnar sé á sömu skoðun og við jafnaðarmenn. Ég veit ekki hvernig Göbbels hefði haldið á þessu máli því að öfugt við hv. þm. þá þekkti ég aldrei Göbbels. En það að segjast í öðru orðinu að hafa samið sátt við þjóð sína og segja í hinu orðinu að sáttafundur hafi aldrei verið haldinn og þjóðin sé í raun á öndverðri skoðun mundi sjálfsagt hafa sæmt vel málflutningi þessa Göbbels sem ég þekki ekki en hv. þm. þeim mun betur.
