[prenta uppsett í dálka] 125. fundur, 122. lþ.
Iðnaðarráðherra (Finnur Ingólfsson) (andsvar):
Herra forseti. Ég hélt að ég hefði svarað því í hverju málamiðlunin fólst. Til að taka kannski örlítið gleggra dæmi og hafa myndina dálítið skýrari, þá getum við hugsað okkur að ef Framsfl. hefði verið í stjórnarsamstarfi við Alþb. og myndað meiri hluta á Alþingi, þá segi ég að sennilega hefði niðurstaðan orðið sú sama. Við hefðum ákveðið að festa í sessi réttarframkvæmdina og þau lög sem eru í gildi um nýtingarréttinn eins og hann er í dag og setja skýrar reglur um rannsóknarleyfin og um nýtingarleyfin. Þetta er hin pólitíska málamiðlun. Ég veit ekki hvort þetta svarar spurningu hv. þm. Ef við hefðum verið í samstarfi við annan flokk þá hefði niðurstaðan kannski orðið nákvæmlega sú sama.
