[prenta uppsett í dálka] 126. fundur, 122. lþ.
Sigríður Jóhannesdóttir:
Hæstv. forseti. Þetta frv. sem við erum að staðfesta hér í atkvæðagreiðslu við 2. umr. er satt að segja ótrúlegur löggerningur. Mér hefur fundist að eignarréttur landeigenda væri nægilega vel tryggður eins og hann er í íslenskum lögum í dag. Hér á að bæta um betur og tryggja eignarrétt þeirra að öllu sem kann að finnast í þeirra landareign, inn að iðrum jarðar, um aldur og ævi. Ég spyr bara, hæstv. forseti, hversu langt upp nær þessi eignarréttur?
